چین نے ایران کے ایٹمی پروگرام کا معاملہ سفارتی طریقے سے حل کئے جانے کی ضرورت پر زور دیا ہے
چین کی وزارت خارجہ کی ترجمان مائو ننگ نے ایران کے ایٹمی پروگرام کو سفارتی طریقوں سے حل کرنے کی حمایت کا اعلان کیا ہے
سحرنیوز/دنیا: چین کے گلوبل ٹائمز اخبار کے مطابق، مائو ننگ نے آئندہ جمعے کو چين، روس اور ایران کے نمائندوں کی ملاقات کے بارے میں بتایا اور کہا کہ چین تعلقات میں فروغ اور مذاکرات کی بحالی کے لیے حالات سازگار بنانا چاہتا ہے۔ چین کی وزارت خارجہ کی ترجمان نے امید ظاہر کی کہ تمام فریق رواداری کا مظاہرہ کرتے ہوئے کشیدگی میں اضافے اور ان کے بقول محاذ آرائی اور جنگ سے پرہیز کریں گے۔ انہوں نے کہا کہ بیجنگ اعتماد کی فضا کو مستحکم اور مذاکرات کی بحالی کو یقینی بنانے کے لیے کوشاں رہے گا۔ یاد رہے کہ ایران نے ایٹمی معاہدے پر دستخط کرنے کے بعد اس معاہدے پر مکمل طور پر عملدرامد کیا ہے لیکن مغربی ممالک نے اس سلسلے میں اپنی کسی بھی ذمہ داری پر عمل نہیں کیا۔
