SAHAR

روس کے وزیر خارجہ سرگئی لاوروف نے عید نوروز اور نئے ہجری شمسی سال کے موقع پر سید عباس عراقچی کے نام تہنیتی پیغام بھیجا ہے۔

سحرنیوز/دنیا:  روس کے وزیر خارجہ نے اس پیغام میں ایران اور روس کے تعلقات میں اضافے کا خیرمقدم کیا اور نئے ہجری شمسی سال کے دوران تہران اور ماسکو کے درمیان تعاون کے جامع معاہدے، تجارتی لین دین اور بنیادی تنصیبات کے شعبے میں منعقدہ مشترکہ منصوبوں کی رفتار تیز ہونے کی امید ظاہر کی۔ ایران کے وزیر خارجہ سید عباس عراقچی کے نام اس پیغام میں سرگئی لاوروف نے کہا ہے کہ دونوں ملکوں کی قیادت کے درمیان ہونے والے فیصلے کے تحت ماسکو، علاقائی اور بین الاقوامی امور میں بھی تہران کے ساتھ مشوروں اور ہماہنگی کا سلسلہ بدستور جاری رکھے گا۔