SAHAR

تحریک حماس نے ہنگری کی جانب سے عالمی فوجداری عدالت سے نکلنے کے فیصلے کی سخت الفاظ میں مذمت کی ہے۔

سحرنیوز/دنیا:  غیرملکی میڈیا کے مطابق حماس تنظیم کے بیان میں آیا ہے کہ ہنگری کی حکومت کا آئی سی سی سے نکل جانا جنگی مجرموں اور عالمی قوانین کی کھلی خلاف ورزی کی حمایت کے مترادف ہے۔ اس بیان میں درج ہے کہ بوڈاپیسٹ نے اپنے اس فیصلے سے عالمی انصاف کے نظام پر کاری ضرب لگائی ہے۔ حماس کے بیان میں آیا ہے کہ یہ وہی دوہرا معیار ہے جو مغربی حکومتوں نے جنگی جرائم کے سلسلے میں اپنایا ہوا ہے۔ فلسطین کی استقامتی تنظیم نے خبردار کیا کہ ہنگری کے اقدام کے نتیجے میں نہ صرف عالمی انصاف کا نظام کمزور ہوگا بلکہ جنگی مجرموں کو سزا سے بھاگنے کا موقع بھی ملے گا۔