چین نے امریکا کے خلاف کھولا مورچہ، 34 فیصد اضافی ٹیرف کا اعلان
Apr ۰۴, ۲۰۲۵ ۲۰:۲۲ Asia/Tehran
چین نے اعلان کیا ہے کہ وہ امریکہ کے اقدام کے جواب میں موجودہ درآمدی اشیا پر 34 فیصد ٹیرف عائد کرے گا۔
سحرنیوز/دنیا: موصولہ اطلاعات کے مطابق، چین نے امریکی صدر کی ٹیرف پالیسی کے جواب میں امریکی اشیاء پر 34 فیصد اضافی ٹیرف عائد کرنے کا اعلان کیا ہے جو 10 اپریل سے لاگو ہو گا۔ ساؤتھ چائنا مارننگ پوسٹ نے رپورٹ دی ہے کہ بدھ کو امریکہ کی طرف سے چینی اشیاء پر 34 فیصد ٹیرف عائد کیے جانے کے بعد بیجنگ کی جانب سے جوابی کارروائی کی گئی۔
چین کے فوری ردعمل سے پتہ چلتا ہے کہ بیجنگ امریکہ کے ساتھ مذاکرات کے بجائے سخت موقف اختیار کرنے جا رہا ہے۔ بیجنگ نے جوابی کاروائی کے طور پر، 16 امریکی کمپنیوں پر ایکسپورٹ کنٹرول لگایا ہے جب کہ اس ملک سے منسلک چھ کمپنیوں کی چین کو ایکسپورٹ اہلیت کو معطل کر دیا ہے۔