امریکہ شام میں اسرائیلی حملوں کی حمایت نہیں کرتا؛ امریکی وزارت خارجہ کی ترجمان کا دعوی
امریکا نے اعلان کیا ہے کہ وہ شام میں اسرائیلی حملوں کی حمایت نہیں کرتا۔
سحرنیوز/دنیا: میڈیا رپورٹوں کے مطابق امریکی وزارت خارجہ کی ترجمان نے دعوی کیا ہے کہ امریکی شام کے اندر اسرائیلی مداخلت اوراس کے حملوں کی حمایت نہيں کرتا۔ امریکی وزارت خارجہ کی ترجمان ٹیمی بروس سے جب یہ سوال کیا گیا کہ کیا امریکا نے اس حوالے سے اسرائیلی حکومت کو کوئی پیغام دیا ہے یا ناراضگی ظاہر کی ہے تو انہوں نے اس سوال کا جواب دینے سے گریز کیا۔ انہوں نے دعوی کیا کہ امریکا شام میں تشدد کے خاتمے کے لئے بقول ان کے کردار ادا کرنے کے لئے تیار ہے۔
امریکی وزارت خارجہ کی ترجمان نے یہ بیان ایسی حالت میں دیا ہے کہ اب یہ بات کسی سے بھی ڈھکی چھپی نہیں رہی کہ چاہے فلسطین اورغزہ ہو یا خطے کے دیگر ممالک، ہر ملک کے خلاف صیہونی جارحیت اور جرائم میں امریکا نہ صرف یہ کہ بھرپور حمایت اورمدد کرتا ہے بلکہ ضرورت پڑنے پر خود بھی براہ راست مشارکت سے پیچھے نہیں رہتا۔
