SAHAR

سابق امریکی وزیر دفاع نے ایرانی جوہری تنصیبات پر حملے کو غیر موثر قرار دیتے ہوئے واشنگٹن کو سمجھداری سے کام لینے کا مشورہ دیا ہے۔

سحرنیوز/دنیا: امریکہ کے سابق وزیر دفاع رابرٹ گیٹس نے اعتراف کیا ہے کہ ایران کے جوہری پروگرام کو فوجی طاقت کے ذریعے مکمل طور پر ختم کرنا ممکن نہیں، کیونکہ تہران نے جو جوہری علم حاصل کیا ہے، اسے چھیننا محال ہے۔ گیٹس نے بلومبرگ کے ساتھ گفتگو میں دعوی کیا کہ ہم ایران کی جوہری تنصیبات کو نقصان پہنچا سکتے ہیں اور اس کے نتیجے میں انہیں وقتی طور پر پیچھے دھکیل سکتے ہیں، لیکن اس علم کو ختم نہیں کیا جا سکتا جو ایران نے حاصل کر لیا ہے۔ انہوں نے یہ موقف پہلی مرتبہ 2007–2008 میں اختیار کیا تھا جب وہ صدر جارج بش کے دور میں وزیر دفاع تھے اور آج بھی اسی مؤقف پر قائم ہیں۔