SAHAR

فرانسیسی صدر ایمانوئل میکرون نے اعلان کیا ہے کہ فرانس ستمبر میں فلسطین کو تسلیم کرلے گا۔

سحرنیوز/دنیا: فرانسیسی صدر ایمانوئل میکرون نے اس فیصلے کا باضابطہ اعلان ستمبر میں اقوامِ متحدہ کی جنرل اسمبلی کے اجلاس سے اپنے خطاب میں کرنے کا عندیہ دے دیا۔ انہوں نے کہا کہ وہ جنرل اسمبلی میں فسلطینی ریاست کو تسلیم کرنے کا باضابطہ اعلان کریں گے۔ انہوں نے مزید کہا کہ یہ فیصلہ مشرقِ وسطیٰ میں منصفانہ اور پائیدار امن کے لیے کیا ہے۔
دوسری جانب امریکا نے اقوام متحدہ کی اسرائیل فلسطین دو ریاستی حل کانفرنس میں بھی شرکت نہ کرنے کا اعلان کردیا۔ واضح رہے کہ دو ریاستی حل کانفرنس 28 سے 29 جولائی کو ہوگی، کانفرنس فرانس اور سعودی عرب کی سربراہی میں ہورہی ہے۔