امریکہ اور مغربی ممالک کس طرح سے یوکرین کی جنگ میں گھی ڈال رہے ہيں؟ ایک رپورٹ
پینٹاگون نے اعلان کیا ہے کہ وہ یوکرین کے لیے ای آر اے ایم ERAM میزائلوں کی تیاری اور توسیع میں تیزی لانے کے لیے سرسٹھ اعشاریہ تین ملین ڈالر سے زیادہ مختص کرے گا۔
سحرنیوز/دنیا:ایسے میں کہ جب واشنگٹن ، ایک طرف ماسکو اور کی ایف کے درمیان جنگ بندی کی کوشش کر رہا ہے، پینٹاگون نے اعلان کیا ہے کہ وہ یوکرین کے لیے ای آر اے ایم میزائلوں کی تیاری اور توسیع میں تیزی لانے کے لیے سرسٹھ اعشاریہ تین ملین ڈالر سے زیادہ مختص کرے گا۔یوکرین جنگ کو ساڑھے تین سال سے زائد کا عرصہ گذرنے اور ماسکو اور کی ایف کے درمیان امن اور جنگ بندی کی متعدد کوششوں کے باوجود ، مغربی ممالک ابھی بھی فوجی ہتھیار اور مالی امداد بھیج کر جنگ کو ہوا دے رہے ہیں، جس سے امن کے قیام کے لیے صورتحال مزید پیچیدہ ہو گئی ہے۔
پینٹاگون نے کہ جو شروع سے ہی جنگ میں یوکرین کے اہم حامیوں میں سے ایک رہا ہے، امریکی صدر ڈونلڈ ٹرمپ کے بیانات کے باوجود کہ وائٹ ہاؤس اب یوکرین کو مالی اور فوجی امداد فراہم کرنے کا ارادہ نہیں رکھتا، فنڈز مختص کرنے اور یوکرین کو میزائل اور اینٹی ایئر کرافٹ سسٹم بھیجنے کا اعلان کیا ہے۔
یہ ایسے میں ہے جب امریکی جریدے پولیٹیکو نے اس سے قبل جولائی میں ایک رپورٹ میں تین امریکی عہدیداروں کے حوالے سے کہ جنہوں نے نام ظاہر نہ کرنے کے لیے کہا تھا، لکھا تھا امریکی محکمہ دفاع پینٹاگون نے امریکی گولہ بارود اور ہتھیاروں کے ذخیرے میں تیزی سے کمی کے خدشات کے پیش نظر یوکرین کو کچھ فضائی دفاعی میزائل اور دیگر اہم جنگی سازوسامان بھیجنا بند کر دیا ہے۔
