چین کا تین محاذوں پر تائیوان کے خلاف فوجی محاصرہ
چین نے زمین، سمندر اور فضا سے تائیوان کا گھیرا تنگ کر دیا
سحرنیوز/دنیا: میڈیا رپورٹوں کے مطابق چین نے تائیوان کے اطراف میں زمین، سمندر اور فضا تینوں محاذوں پر تائیوان کے خلاف مہم شروع کردی ہے۔
چین نے نواسی جنگی طیاروں اور چودہ بحری جہازوں کے ذریعے، تائیوان کا محاصرہ تنگ کر دیا ہے۔
بیجنگ نےاپنی اس مہم کو جسٹس مشن دو ہزار پچیس کا نام دیا ہے اور کہا ہے کہ اس کا مقصد تائیوان کے بیرونی حامیوں کی جانب سے اس کو چین سے الگ کرنے کی کوششوں کو ناکام بنانا ہے۔
ہمیں فالو کریں:
Follow us: Facebook, X, instagram, tiktok whatsapp channel
چین نے اسی کے ساتھ بری، سمندری اور فضائی افواج نیز اسپیشل راکٹ فورس کی شرکت سے تائیوان کے چاروں طرف، ایک ساتھ پانچ سمندری اور فضائی زون میں جنگی مشقیں بھی شروع کر دی ہیں۔
رپورٹوں میں بتایا گیا ہے کہ اگر چہ ابھی تک چینی افواج تائیوان کی حدود میں داخل نہیں ہوئی ہیں لیکن کشیدگی کافی بڑھ گئی ہے۔
