ہندوستان کو 1-14سے شکست دے کر ویسٹ ایشیا بیس بال کپ کے فائنل میں پاکستان کا مقابلہ فلسطین سے آج
پاکستان نے ہندوستان کو 1-14 کے واضح فرق سے شکست دے کر ویسٹ ایشیا بیس بال کپ کے فائنل میں جگہ بنالی۔
سحرنیوز/کھیل: ایران میں ہونے والے مقابلے میں پاکستان نے پہلی ہی اننگ میں پانچ رنز بنا کر ہندوستان پر دباؤ ڈالنا شروع کردیا۔ تیسری اننگ میں پاکستان نے مزید پانچ رنز کے ساتھ میچ کو اپنے کنٹرول میں لے لیا۔ تھرڈ بیس پر کھیلنے والے حسین نے شاندار کارکردگی کا مظاہرہ کیا ۔ سنٹر فیلڈر وسیم اکرم اورہٹر محمد ریحان نے بھی جیت میں اہم کردار ادا کیا۔
دوسری جانب محمد حارث نے 4.1 اننگز میں 1 رن دے کر چار آوٹ کیے۔ ریلیف بولرز سید محب شاہ اور حسین امام نے 2.2 اننگز میں 5 آؤٹ کرکے ہندوستان کو مزید پیچھے دھکیل دیا۔
ہندوستانی ٹیم فیلڈنگ میں 10 غلطیوں کا ارتکاب کرنے کے ساتھ ساتھ بیٹنگ میں بھی ناکام رہی۔ ہندوستانی بولرز نے 8 واک دے کر پاکستانی بلے بازوں کو مزید مواقع فراہم کیے، پاکستان اب 21 مئی کو ہونے والے فائنل میچ میں فلسطین کا مقابلہ کرےگا۔
