SAHAR

حزب اللہ لبنان کے ڈپٹی سیکرٹری جنرل شیخ نعیم قاسم نے کہا کہ حزب اللہ غاصب ریاست کے ساتھ ہونے والی ممکنہ کسی بھی جنگ میں فتح یاب ہوگی اور وہ ناجائز ریاست کے خلاف اپنی جنگ جاری رکھے گی۔

ایران پریس کی رپورٹ کے مطابق حزب اللہ لبنان کے ڈپٹی سیکرٹری جنرل شیخ نعیم قاسم  نے اتوار کی شام ایک انٹرویو کے دوران بتایا کہ حزب اللہ غاصب صیہونی ریاست کو ہر جنگ میں شکست سے دوچارکرنے میں کامیاب رہی ہے، جب تک  استقامت کرنے والے مرد و خواتین موجود ہیں، ہم اس وقت  تک غاصب ریاست کو شکست دیتے رہیں گے۔

غاصب اسرائیلی میڈیا نے اسی حوالے سے خبر دیتے اس بات کا اقرار کیا کہ  لبنان اسرائیل سمندری حدود کے معاہدے سے لبنان کے اندر حزب اللہ کی پوزیشن مضبوط ہوجائے گی اورصیہونی ریاست حزب اللہ کو شکست دینے اورکمزورکرنے میں ناکام ہوگئی ہے۔