اسرائیلی وزیر اعظم کی فلسطینیوں پرحملے کی دھمکی
Nov ۱۳, ۲۰۱۷ ۱۰:۲۷ Asia/Tehran
اسرائیل کے وزیراعظم نیتن یاہو نے فلسطینی تنظیموں کے خلاف کارروائی کرنے کی دھمکی دی ہے۔
فلسطین الیوم کی رپورٹ کے مطابق اسرائیل کے وزیراعظم بنیامن نیتن یاہو نے فلسطینی تنظیموں کوخبـردار کرتے ہوئے کہا ہے کہ اسرائیل ان کے خلاف کسی بھی وقت کارروائی کرسکتا ہے۔ اسرائیلی وزیراعظم نے کہا کہ فلسطینی تنظیموں کے گزشتہ ماہ اسرائیل کی طرف سےغزہ کی پٹی میں ایک سرنگ پر ہونے والی کارروائی کے خلاف جوابی حملے ممکن ہیں۔
انہوں نے کہا کہ اگر اسرائیل پر فلسطینیون نے جوابی حملہ کیا تو اسرائیل فلسطینی تنظیم حماس کو نشانہ بنائے گا۔