بلوچستان: فائرنگ سے ایس ایچ اوہلاک2اہلکار زخمی
Jan ۲۹, ۲۰۱۷ ۰۸:۰۵ Asia/Tehran
ڈیرہ مراد جمالی کے علاقے نصیر آباد میں نامعلوم مسلح افراد نے پولیس موبائل پر فائرنگ کردی جس کے نتیجے میں ایس ایچ او ہلاک اور 2اہلکار زخمی ہوگئے۔
پاکستان کے صوبہ بلوچستان کے علاقے نصیر آباد میں نامعلوم مسلح افراد پولیس موبائل پر اس وقت گولیوں کی بارش کرکے فرار ہوگئے جب وہ معمول کے گشت پر معمور تھی۔
گولیوں کی زد میں آکر ایس ایچ او ہدایت اللہ موقع پر ہلاک جبکہ 2اہلکار شدید زخمی ہوگئے۔ فائرنگ کی اطلاع ملتے ہی پولیس کی بھاری نفری موقع پر پہنچی اور زخمی اہلکاروں کو تویشناک حالت میں ہسپتال منتقل کردیا ۔
تاہم پولیس حکام کا کہنا ہے کہ فائرنگ ٹارگٹ کلنگ تھی یا ذاتی دشمنی کانتیجہ تھی تحقیقات مکمل ہونے تک کچھ بھی کہنا قبل از وقت ہوگا۔