SAHAR

پاکستان کے وزیر خارجہ شاہ محمود قریشی نے کہا ہے کہ گیس پائپ لائن منصوبہ مکمل نہ کیا تو اسلام آباد تہران کو جرمانہ ادا کرنے پر مجبور ہو گا۔

 پارلیمنٹ کی خارجہ تعلقات کمیٹی کے ارکان سے بات چیت کرتے ہوئے شاہ محمود قریشی کا کہنا تھا کہ پاکستان گیس پائپ لائن منصوبے کو مکمل کرنا چاہتا ہے اور اس سلسلے میں اسلامی جمہوریہ ایران کے ساتھ ہم مسلسل رابطے میں ہیں۔
 پاکستان کے وزیر خارجہ نے پابندیوں کو پاکستان ایران گیس پائپ لائن منصوبے کی تکمیل میں رکاوٹ قرار دیتے ہوئے کہا کہ تیسرے فریق نے اس عظیم اقتصادی منصوبے کی تکمیل کو مشکل بنا دیا ہے۔
 پاکستان کے وزیراعظم عمران خان نے بھی گزشتہ ہفتے کہا تھا کہ ان کا ملک، اسلامی جمہوریہ ایران کے تعاون سے گیس پائپ لائن منصوبے کی تکمیل کی غرض سے لازمی اقدامات عمل میں لائے گا۔