SAHAR

پاکستانی ذرائع کے مطابق گزشتہ چوبیس گھنٹوں میں کورونا وائرس کے اٹھائیس نئے کیس سامنے آنے کے بعد اس وائرس میں مبتلا افراد کی تعداد ایک ہزار سے بڑھ گئی ہے۔ 

پاکستان میں کورونا وائرس کے کمانڈ اینڈ کنٹرول سینٹر کی رپورٹ کے مطابق صوبہ سندھ میں چار سو تیرہ ، پنجاب میں دو سو چھیانوے، بلوچستان میں ایک سو پندرہ، گلگت بلتستان میں اکیاسی، خیبر پختونخواہ میں اٹھتر، اسلام آباد میں سولہ اور پاکستان کے زیر انتظام کشمیر میں کورونا وائرس میں ایک فرد کے مبتلا ہونے کی تصدیق کی گئی ہے۔ 

اس رپورٹ کے مطابق پاکستان اب تک کورونا وائرس سے انیس افراد صحتیاب اور سات افراد موت سے ہمکنار ہو چکے ہیں۔ 

قابل ذکر ہے کہ پاکستان کے مختلف شہروں اور علاقوں میں کورونا وائرس کو کنٹرول کرنے کے لئے لاک ڈاؤن کا اعلان کر دیا گیا ہے۔