SAHAR

چین کے شہر چنگدو میں جاری پولیس اور فائربریگیڈ کے عالمی مقابلوں میں ایران سمیت دنیا کے اسّی ملکوں کے کھلاڑی حصہ لے رہے ہیں۔ان مقابلوں میں ایران کے جوڈوکےکھلاڑی  عفار میرازی نے فائنل مقابلے  میں اپنے روسی حریف کو شکست دے کر پہلی پوزیشن حاصل کی اور سونے کے تمغہ جیت لیا۔اسی کیٹیگری میں روسی کھلاڑی نے دوسری پوزیشن جبکہ امریکہ اور بیلاروس کے جوڈوکے کھلاڑیوں نے مشترکہ طور پر تیسری پوزیش کو حاصل کی۔گزشتہ روز میں بھی ایرانی کھلاڑی علی متین نے سو کلوگرام کی کیٹیگری میں چاندی کا تمغہ حاصل کیا تھا۔یہ بات قابل ذکر ہے کہ پولیس اور فائر بریگیڈ کے عالمی مقابلے آٹھ اگست سے چین کے شہر چنگدو شروع ہوئے ہیں اور اٹھارہ اگست تک جاری رہیں گے۔