ماسکو پولیس کو دھمکی آمیز کال، کئی عمارتیں اور دفاتر بند
Sep ۱۸, ۲۰۱۷ ۲۱:۰۵ Asia/Tehran
ماسکو پولیس نے دھمکی آمیز کال ملنے کے بعد اس شہر کے کئی دفاتر اور سرکاری عمارتیں خالی کرا لیں
ہمارے نمائندے کی رپورٹ کے مطابق نامعلوم افراد کی جانب سے نو دفاتر اور عمارتوں میں بم رکھے جانے کی مشکوک کال ملنے کے بعد ماسکو کی پولیس نے فورا موقع پر پہنچ کر ان عمارتوں سےچھے سو کارکنوں کو باہر نکال کر ممکنہ بم کو تلاش کرنا شروع کردیا - گذشتہ ایک ہفتے کے دوران ماسکوپولیس کو دوسوپچاس سے زیادہ مشکوک فون موصول ہوئے جن میں بم نصب کئے جانے کی دھمکی دی گئی تھی - روس کے سیکورٹی اہلکار،بم رکھے جانے کی کال ملنے کے بعد اب تک ڈیڑہ لاکھ افراد کوعمارتوں سے باہر نکال چکے ہیں-
