SAHAR

بریسلز میں ایک پریس کانفرنس کو خطاب کرتے ہوئے نیٹو کے سیکریٹری جنرل اسٹولٹن برگ نے دعوی کیا کہ نیٹو اور امریکہ امن کے قیام اور جنگ کے خاتمے تک افغانستان سے باہر نہیں نکلیں گے۔ ان کا یہ بھی کہنا تھا کہ نیٹو اور امریکہ نے افغانستان میں اپنے فوجیوں کی تعداد میں کمی کا بھی کوئی فیصلہ نہیں کیا ہے۔

نیٹو کے سیکریٹری جنرل نے یہ دعوی ایسے وقت میں کیا ہے جب سن دوہزار ایک میں امریکی لشکرکشی سے لیکر آج تک کی صورتحال سے ثابت ہوگیا ہے کہ امریکہ اور اس کے اتحادی افغانستان میں امن قائم کرنے کے قابل نہیں ہیں۔اس وقت افغانستان میں تیرہ ہزار غیر ملکی فوجی تعینات ہیں جن میں زیادہ تعداد امریکی فوجیوں کی ہے۔

امریکہ اور اس کے اتحادیوں کے دعوے کے برخلاف افغانستان میں بدامنی اور دہشت گردی میں اضافے کے ساتھ ساتھ منشیات کی پیداوار میں بھی کئی گنا اضافہ ہوا ہے۔

افغانستان کے عوام اور بعض اعلی عہدیدار امریکہ نیٹو کے فوجیوں کو اپنے ملک میں جاری بدامنی اور عام شہریوں کے قتل عام کا اصل ذمہ دار قرار دیتے ہیں۔