Aug ۰۷, ۲۰۲۰ ۱۳:۲۰ Asia/Tehran
  • ٹرمپ کا نیا شوشہ، صدارتی انتخابات سے قبل کورونا ویکسین لانے کا دعوی

امریکی صدر نے کورونا ویکسین امریکا کے صدارتی الیکشن سے پہلے پہلے تک لانے کا دعوی کیا ہے۔

ینگ جرنلسٹ کلب (Young Journalists Club) کی رپورٹ کے مطابق امریکی صدر ڈونلڈ ٹرمپ نے ایک بار پھر دعوی  کیا ہے کہ کورونا ویکسین امریکا کے صدارتی الیکشن سے پہلے یعنی 3 نومبر تک آنے کا امکان ہے۔

امریکی ریڈیو کو انٹرویو میں صدر ٹرمپ نے کہا کہ امریکا رواں برس کے آخر تک یا پھر نومبر سے پہلے کورونا ویکسین بنا لے گا۔

امریکی حکومت نے حال ہی میں یورپ کی دو دوا ساز کمپنیوں سے کورونا وائرس کی ویکسین کے ایک سو ملین ڈوز خریدنے کا معاہدہ کیا ہے۔

واضح رہے کہ امریکہ میں یہ وبا خوفناک شکل اختیار کر چکی ہے اور اب تک عالمی وبا کورونا وائرس سے شدید متاثرہ ملک امریکہ میں ایک لاکھ 60 ہزار سے زائد افراد ہلاک  جبکہ 48 لاکھ سے زائد متاثر ہو چکے ہیں۔

ٹیگس

کمنٹس