SAHAR

ممبئی ہائی کورٹ نے اپنے ایک سنسنی خیز فیصلے میں کہا ہے کہ تبلیغی جماعت کو قربانی کا بکرا بنانے کی کوشش کی گئی اور اس کی وجہ سے ملک میں کورونا پھیلنے کا کوئی ثبوت نہیں ملا ہے۔

ممبئی ہائی کورٹ نے اپنے فیصلے میں تبلیغی جماعت کے غیر ملکی شہریوں کے خلاف ہر طرح کی ایف آئی آر منسوخ کرتے ہوئے کہا ہے کہ قومی دارالحکومت دہلی میں تبلیغی جماعت کے مرکز میں آئے غیر ملکی جماعتیوں کے خلاف بڑے پیمانے پر پروپیگنڈہ کیا گیا تھا-

عدالت نے کہا کہ وبا‏ئی بیماری پھیلنے پر حکومت سیاسی قربانی کا بکرا ڈھونڈنے کی کوشش کرتی ہے اور حالات سے یہی اندازہ ہوتا ہے کہ ان غیر ملکی شہریوں کو جو تبلیغی جماعت کے پروگرام میں ہندوستان آئے تھے بلی کا بکرا بنانے کے لئے چنا گیا تھا-

ممبئی ہائی کورٹ کی دو رکنی بینچ کے ججوں ٹی وی نال وڑے اور ایم جی سیل وی کر نے انتیس غیر ملکی شہریوں کی سبھی ایف آر خارج کر دیں-

عدالت نے اپنے فیصلے میں کہا کہ تبلیغی جماعت کے خلاف پروپیگنڈا غلط تھا اور جماعت گزشتہ پچاس برسوں سے اپنی سرگرمیاں چلا رہی تھی۔ عدالت نے کہا کہ تبلیغی جماعت کی سرگرمی دہلی میں لاک ڈاؤن کے اعلان کے بعد ہی بند ہو گئی تھی۔

عدالت نے کہا کہ کورونا کے دوران ہمیں زیادہ تحمل اور رواداری کا مظاہرہ کرنے کی ضرورت ہے۔