SAHAR

ہندوستانی ریاست آسام میں مسلمانوں پر تشدد کے بعد پاکستان نے ہندوستانی ناظم الامور کو دفتر خارجہ طلب کیا اور واقعات پر شدید تشویش کا اظہار کیا۔

پاکستانی دفتر خارجہ کے ترجمان عاصم افتخار نے جاری کردہ بیان  میں کہا ہے کہ ہندوستانی ریاست آسام میں مسلمانوں کو نشانہ بنانے پر شدید تشویش ہے، آسام میں مسلمان باشندوں کے خلاف وحشیانہ بے دخلی مہم کا آغاز تشویشناک ہے۔

پاکستانی دفتر خارجہ نے ہندوستان کے زیر انتظام کشمیر میں 3 کشمیری شہریوں  کو جاں بحق کئے جانے کی بھی پرزور مذمت کی۔