SAHAR

ہندوستان کے زیرانتظام جنوبی کشمیر میں ہندوستانی فورسز اور عسکریت پسندوں کے درمیان چھڑنے والی ایک تصادم آرائی کے دوران ایک عسکریت پسند جاں بحق ہوا ہے۔

پولیس کے ترجمان نے کہا ہے کہ مصدقہ اطلاع موصول ہونے پر فوج کی آر آر، سی آر پی ایف اور پولیس کی ایک مشترکہ ٹیم نے جمعے کی علی الصبح ضلع شوپیاں کے رکھہامہ گاؤں کو محاصرے میں لے کر تلاشی آپریشن شروع کیا۔ تلاشی آپریشن کے دوران جوں ہی سیکورٹی فورسز کی ایک پارٹی مشتبہ جگہ کے نزدیک پہنچی تو وہاں عسکریت پسندوں نے اس پارٹی پر فائرنگ شروع کر دی۔ ان کا کہنا تھا کہ سیکورٹی فورسز اور عسکریت پسندوں کے مابین ہونے والی فائرنگ کے نتیجے میں ایک عدم شناخت عسکریت پسند جاں بحق ہوا ہے۔

آخری اطلاعات موصول ہونے تک آپریشن جاری تھا۔