فلسطینی جوانوں نے اسرائیل کے ایک اور جاسوس ڈرون کا شکار کیا (ویڈیو)
گزشتہ ماہ بھی جنین پر صیہونی فوجیوں کی جارحیت کے دوران فلسطینی جوانوں نے اسرائیل کے ایک ڈرون کو تباہ کیا تھا۔
سحر نیوز/عالم اسلام: فارس خبر رساں ایجنسی کی رپورٹ کے مطابق فلسطین کے استقامتی محاذ کے جوانوں نے مقبوضہ فلسطین کے علاقے جنین میں اسرائیل کے جاسوس ڈرون کو نشانہ بنا کر تباہ کر دیا ہے۔ گزشتہ ماہ بھی جنین پر صیہونی فوجیوں کی جارحیت کے دوران فلسطینی جوانوں نے اسرائیل کے ایک ڈرون کو تباہ کیا تھا۔
(صیہونی ڈرون پر فائر کرتے فلسطینی نوجوان)
فلسطینی نوجوانوں کے ہاتھوں اسرائیل کے ڈرون طیاروں کا شکار صیہونی حکام کے لئے تشویش کا موضوع بنا ہوا ہے۔
فلسطینیوں کی جوابی کارروائیاں غرب اردن کے مختلف علاقوں میں غاصب صیہونی حکومت کے وحشیانہ مظالم اور عالم اسلام کے قبلۂ اول مسجد الاقصیٰ کے خلاف اسکے فوجیوں اور انتہا پسندوں کی جارحیتوں کا فطری ردعمل شمار ہوتی ہیں اور حالیہ برسوں کے دوران فلسطینی نوجوانوں نے صیہونیوں کا بھرپور اور ہر ممکن جواب دینے کا عزم کر لیا ہے۔
