SAHAR

ہندوستان کے زیر انتظام جموں و کشمیر کے علاقے پونچھ میں ہندوستانی فورسز اورعسکریت پسندوں کے مابین ہونے والے تصادم میں 2 عسکریت پسند جاں بحق ہو گئے۔

سحرنیوز/ہندوستان: جموں کے دفاعی ترجمان لیفٹیننٹ کرنل سنیل برٹوال نے دعوی کیا کہ پونچھ میں ایل او سی پر گڑھی بٹالین علاقے میں پیر کی علی الصبح فوج کی ایمبش پارٹی اور عسکریت پسندوں کے درمیان آمنا سامنا ہوا اور سیکورٹی فورسز نے دراندازی کی ایک کوشش کو ناکام بنا کر 2 عسکریت پسندوں کو ماردیا۔
دفاعی ترجمان نے کہا کہ فوج اور پولیس کا یہ مشترکہ آپریشن جاری ہے۔
واضح رہے کہ اتوار کے روز بھی راجوری میں سیکورٹی فورسز کے ساتھ ہونے والی ایک جھڑپ میں  ایک عسکریت پسند جاں بحق ہوا تھا۔