SAHAR

شیوسینا کے سربراہ نے کہا ہے کہ اگر بی جے پی والے آئین تبدیل کرنے کی کوشش کریں گے تو پورا ملک ان کے خلاف کھڑا ہوجائے گا۔

سحر نیوز/ ہندوستان: ہندوستانی میڈیا کے مطابق شیوسینا (یو بی ٹی) کے سربراہ ادھو ٹھا کرے نے مہاراشٹر کے ‏عثمان آباد میں ایک عوامی جلسے سے خطاب کرتے ہوئے کہا کہ مرکزی ایجنسیاں بی جے پی کی ’نوکر‘ بن گئی ہیں ۔ چار جون کو نتائج کے بعد میری پارٹی کے لوگوں کو ہراساں کرنے والوں کو سود سمیت ہرجانہ ادا کرنا پڑے گا۔

ادھو ٹھاکرے نے کہا کہ انڈیا الائنس کی حکومت کے اقتدار میں آنے کے بعد زراعت کے لیے بیجوں، فصلوں کو کیڑوں سے بچانے کی ادویات نیز دیگر زرعی آلات و ساز و سامان پر سے جی ایس ٹی ختم کر دیا جائے گا۔

یہاں یہ بات قابل ذکرہے کہ شیوسینا کئی دہائیوں تک بی جے پی کی اتحادی رہی ہے۔