SAHAR

ہندوستان کے زیر انتظام جموں و کشمیر کے ضلع کشتواڑ میں اتوار کی صبح سیکورٹی فورسز اور مبینہ عسکریت پسندوں کے درمیان گولیوں کا مختصر تبادلہ ہوا۔

سحر نیوز/ ہندوستان: ہندوستان کے زیر انتظام جموں و کشمیر میں پولیس ترجمان نے بتایا کہ کشتواڑ میں سیکورٹی فورسز اور مبینہ عسکریت پسندوں کے درمیان گولیوں کے تبادلے کے بعد علاقے میں وسیع پیمانے پر سرچ آپریشن جاری ہے۔

قبل ازیں پولیس ذرائع نے بتایا تھا کہ عسکریت پسندوں کے چھپنے کے بارے میں اطلاع ملنے پر سیکورٹی فورسز اور پولیس نے کشتواڑ کے نوناٹہ، ناجینی اور پیاس علاقے کو محاصرے میں لے کر تلاشی آپریشن شروع کردی ہے۔ اس کارروائی کے بعد علاقے میں سیکورٹی اہلکاروں کی مزید نفری تعینات کردی گئی ہے۔