ہندوستان: علی گڑھ مسلم یونیورسٹی میں استاد کا قتل

Dec ۲۵, ۲۰۲۵ ۱۷:۰۱ Asia/Tehran

معروف علی گڑھ مسلم یونیورسٹی کے استاد دانش راؤ کو نقاب پوش حملہ آوروں نے یونیورسٹی کیمپس میں گولی مار کر قتل کردیا

سحرنیوز/ہندوستان: ہندوستانی میڈیا ذرائع کے مطابق نقاب پوش حملہ آوروں نے یونیورسٹی کے ایل بی کے ہائی اسکول کے ٹیچر دانش راؤ کو اندھا دھند فائرنگ کر کے بے دردی سے قتل کردیا۔ اے ایم یو کیمپس میں فائرنگ کی واردات نے اس عالمی شہرت یافتہ ادارے کی حفاظت پرایک بار پھرسوال کھڑے کر دیے ہیں۔
شدید زخمی حالت میں ٹیچر کو فوری طور پر جے این میڈیکل کالج میں داخل کرایا گیا، جہاں ڈاکٹروں نے انہیں مردہ قرار دے دیا۔ پولیس نے علاقے کا محاصرہ کرکے اے ایم یو کیمپس کے سی سی ٹی وی فوٹیج کی جانچ شروع کردی ہے- علی گڑھ کے ایس ایس پی کا کہنا ہے کہ جلد ہی حملہ آوروں کو گرفتار کر لیا جائے گا۔

ہمیں فالو کریں:

دریں اثنا سماجوادی پارٹی کے لیڈر اجو اسحاق نے پورے واقعہ کی مذمت کرتے ہوئے حکومت کو نشانہ بنایا۔ ایس پی لیڈر نے ٹیچر کو قتل کرنے والے ملزمین کے خلاف سخت کارروائی کا مطالبہ کیا۔