SAHAR

ایرانی وزیر خارجہ نے کہا ہے کہ ایران اور روس کے درمیان اہم اسٹراٹیجک تعلقات قائم ہیں اور روس نے ہمیشہ مشکل کی گھڑی میں ہمارا ساتھ دیا ہے.

اسلامی جمہوریہ ایران کے وزیر خارجہ محمد جواد ظریف  نےجو روس کے دورے پر ہیں کل رات روس کے دارالحکومت ماسکو پہنچنے پر صحافیوں سے گفتگو کرتے ہوئے کہا کہ روس  اور ایران کے مابین اسٹراٹیجک تعلقات قائم ہیں.

انہوں نے کہا کہ ہم سخت دنوں میں ایران کا ساتھ دینے والے ممالک کو کبھی فراموش نہیں کریں گے۔

اس دورے کے دوران  جواد ظریف روسی حکام کے ساتھ باہمی، علاقائی اور بین الاقوامی امور پر تبادلہ خیال کریں گے.

 ایرانی وزیر خارجہ گزشتہ رات باہمی تعلقات کی توسیع اور جوہری معاہدے کی تازہ ترین صورتحال پر تبادلہ خیال کے لیے ایک اعلی سیاسی وفد کی قیادت میں روسی دارالحکومت ماسکو پہنچے۔