SAHAR

ایران کے وزیر خارجہ نے اپنے عراقی ہم منصب کو ٹیلی فون کر کے کابینہ کی تکمیل پر اطمینان کا اظہار اور خیر مقدم کیا ہے۔

اسلامی جمہوریہ ایران کے وزیر خارجہ محمد جواد ظریف نے اپنے عراقی ہم منصب فؤاد حسین کو عراق کے وزیر خارجہ منتخب ہونے پر مبارکباد بھی پیش کی۔

وزیرخارجہ جواد ظریف نے فؤاد حسین سے ٹیلی فون پر گفتگو میں دو طرفہ تعلقات کے کی اہمیت کی جانب اشارہ کرتے ہوئے اسلامی جمہوریہ ایران کے صدر کے دورہ عراق کے موقع پر ہونے والے سمجھوتے پر عمل درآمد کی ضرورت پر تاکید کی۔

عراقی کابینہ میں بائیس وزراء ہیں۔ وزیر اعظم مصطفی الکاظمی، سات مئی کو پندرہ وزیروں کے لئے اعتماد کا ووٹ حاصل کر چکے تھے جبکہ عراقی پارلیمنٹ نے چند ہفتے کی سیاسی کشمکش کے بعد ہفتے کے روز باقی سات وزیروں کو بھی اعتماد کا ووٹ دے دیا-