ایران میں 20 فیصد تک یورنیم کی افزودگی
Jan ۰۵, ۲۰۲۱ ۰۹:۴۰ Asia/Tehran
ایران کے وزیر خارجہ نے کہا ہے کہ ہم نے پارلیمنٹ کی منظوری سے 20 فیصد تک یورنیم کی افزودگی کے عمل کا آغاز کیا ہے۔
اسلامی جمہوریہ ایران کے وزیر خارجہ محمد جواد ظریف نے ایک ٹوئٹر پیغام میں کہا کہ ہم نے پارلیمنٹ کی منظوری سے 20 فیصد تک یورنیم کی افزودگی کے عمل کا آغاز کیا اوراس کی اطلاع عالمی جوہری ادارے کو بھی دی گئی ہے۔
محمد جواد ظریف نے مزید کہا کہ ہمارا یہ اقدام جوہری معاہدے کی شق نمبر 36 کے عین مطابق ہے ۔ اور ہم نے یہ اقدام جوہری معاہدے کے دیگر فریقوں کی جانب سے کئی برسوں تک اپنے وعدوں پرعمل نہ کرنے کی وجہ سے کیا ہے۔
ایران کے وزیر خارجہ نے کہا کہ اگر دیگر فریقین اپنے وعدوں پر پوری طرح عمل کریں تو ہم بھی گزشتہ کی صورتحال پر واپس آسکتے ہیں۔
واضح رہے کہ ایران نے گزشتہ روز20 فیصد تک یورنیم کی افزودگی کے عمل کا آغاز کیا۔
