گروپ چار جمع کے ایک کے ساتھ جلد ہی مذاکرات شروع ہوں گے: وزیر خارجہ ایران
ایران کے وزیر خارجہ نے کہا ہے کہ گروپ چار جمع ایک کے ساتھ جلد ہی مذاکرات شروع ہوں گے۔
حسین امیر عبداللہیان نے تہران میں یورپی یونین کے ساتھ اور پھر برسلز میں ہونے والے مذاکرات کا ذکر کرتے ہوئے کہا ہے کہ گروپ چار جمع ایک کے ساتھ ایران کے مذاکرات کا سلسلہ جلد ہی شروع ہو جائے گا۔
انھوں نے ای سی او کے نئے سیکریٹری جنرل خسروی ناظری سے گفتگو میں ای سی او میں نقل و حمل، تجارت، اور مالی و بینکنگ کے شعبوں میں طویل مدت نئے بنیادی منصوبوں پر عملدرآمد کو قابل قبول قرار دیا اور امید ظاہر کی کہ ای سی او کے نئے سیکریٹری جنرل کے دور میں سارے ناتمام منصوبے مکمل ہو جائیں گے۔ ایران کے وزیر خارجہ نے ای سی او کے ایک اہم رکن ملک کی حیثیت سے افغانستان میں انجام پانے والی حالیہ دہشت گردانہ کاروائیوں کی مذمت بھی کی۔
اس موقع پر ای سی او کے نئے سیکریٹری جنرل خسرو ناظری نے بھی اقتصادی تعاون کی تنظیم ای سی او میں ایران کے بنیادی کردار پر تاکید کی اور اس اہم تنظیم کے لئے ایران کی حمایت جاری رہنے کی ضرورت پر زور دیا۔۔
قابل ذکر ہے کہ خسرو ناظری، حال ہی میں ای سی او کے نئے سیکریٹری جنرل بنے ہیں جن کا تعلق تاجیکستان سے ہے۔
