ایران کے وزیر خارجہ، عمان سے قطر پہنچے
Jan ۱۱, ۲۰۲۲ ۰۷:۳۷ Asia/Tehran
اسلامی جمہوریہ ایران کے وزیر خارجہ حسین امیرعبد اللھیان عمان کے دورہ کے بعد مسقط سے قطر پہنچ گئے۔
قطر میں ایران کے سفیر نے اپنے ٹویٹ کے ذریعہ اس بات کی اطلاع دی۔
اس سے پہلے پیر کے روز ایرانی وزیر خارجہ نے عمان کے یکروزہ دورے پر مسقط میں اس ملک کے اعلی عہدیداروں سے ملاقات و گفتگو کی۔
مسقط میں ایرانی وزیر خارجہ نے حاکم عمان کے نائب فہد بن محمود آل سعید، اس ملک کے اپنے ہم منصب اور یمن کی نیشنل سالویشن گورنمنٹ کے مذاکرات کار محمد عبد السلام سے گفتگو کی۔ اس کے بعد پیر کی شام کو مسقط سے قطر کے لئے روانہ ہو گئے۔
