SAHAR

ایران کی وزارت خارجہ نے ایک بار پھر تین ایرانی جزائر کے بارے میں خلیج فارس تعاون کونسل کے غیرذمہ دارانہ بیان پر ردعمل ظاہر کرتے ہوئے انہیں ملک کی ابدی جاگیر قرار دیا ہے۔

ایران کی وزارت خارجہ کے ترجمان سعید خطیب زادہ نے اپنے ایک ٹویٹ میں اس بات پر زور دیا کہ خلیج فارس میں واقع ایران کے تین جزائر تمب کوچک، تمب بزرگ اور ابوموسیٰ مملکتِ ایران کے ابدی اجزا ہیں جو ایرانی عوام کے چشم و چراغ ہیں۔

انہوں نے اپنے ٹوئیٹ میں لکھا کہ سرزمین ایران کا ایک بالشت حصہ مکمل مملکت کے مترادف ہے۔

چند روز قبل خلیج فارس تعاون تنظیم کے وزرائے خارجہ کا ایک اجلاس منعقد ہوا تھا جس کے اختتامی بیان میں ایران کے ایٹمی و میزائل پروگراموں کے علاوہ اسکے تین جزائر کے سلسلے میں کچھ تکراری اور بے بنیاد دعووں کا اعادہ کیا گیا تھا۔