SAHAR

امریکی رخنہ اندازی اور ویزا نہ دینے کی وجہ سے ایران کی قومی آرچری یا تیر کمان ٹیم ورلڈ گیمز میں شرکت سے محروم ہوگئی۔

تیرکمان ورلڈ فیڈریشن نے ورلڈ گیمز میں شرکت کے لیے ایران کے لیے دو کوٹے مختص کیے تھے اور گیسا بایب وردی اور رمضان بیابانی کو شرکت کی دعوت دی تھی۔ 
ایران کی تیرکمان فیڈریشن کے مطابق، امریکہ کی جانب سے ویزا نہ دینے کی وجہ سے ورلڈ گیمز میں ایرانی ٹیم کی شرکت کا امکان ختم ہو گیا ہے حالانکہ ویزے کے حصول کی تمام شرائط پوری کی جا چکی تھیں۔ 
تین روز قبل امریکہ نے ایران کی قومی کراٹے ٹیم کے ارکان کو بھی ویزہ دینے سے انکار کر دیا تھا۔ 
امریکہ نے گزشتہ سال بھی ایران کی کشتی فڈریشن کے صدر اور ٹیم کے دیگر ارکان کو ویزہ دینے سے گریز کیا تھا۔