SAHAR

ایران اور قطر کے وزرائے خارجہ نے ٹیلی فونی گفتگو میں دو طرفہ تعلقات سمیت دیگر امور پر تبادلۂ خیال کیا ۔

سحر نیوز/ایران: اسلامی جمہوریہ ایران کے وزیر خارجہ حسین امیرعبداللہیان نے جمعرات کے روز اپنے قطری ہم منصب شیخ محمد بن عبدالرحمن آل ثانی کے ساتھ ٹیلی فونی گفتگو کے دوران فیفا ورلڈ کپ کی کامیاب میزبانی پر قطر کی تعریف کی۔

امیرعبداللہیان نے قطر میں جاری فٹبال کے بین الاقوامی مقابلوں میں شرکت کرنے والی ایران کی قومی فٹ بال ٹیم کے شائقین کے لیے دوحہ حکومت کے تعاون پر اپنے قطری ہم منصب کا بھی شکریہ ادا کیا۔

اس ٹیلی فونی گفتگو میں قطر کے وزیر خارجہ نے اپنی طرف سے ایرانی فٹبالرز کی کارکردگی کو سراہا اور ورلڈ کپ کے دوران اپنے ملک کی حمایت اور اسکے ساتھ تعاون پر ایران کا شکریہ ادا کیا۔