ایران کے قائم مقام وزیر خارجہ نے غزہ کی صورتحال کے حوالے سے استنبول میں منعقدہ ڈی ایٹ کے غیر معمولی اجلاس میں پاکستان کے وزیر خارجہ سے ملاقات اور بات چیت کی۔

سحرنیوز/ایران: ایران کے قائم مقام وزیر خارجہ علی باقری نے ڈی ایٹ وزرائے خارجہ کونسل کے غیر معمولی اجلاس کے موقع پر پاکستان کے وزیر خارجہ محمد اسحاق ڈار سے غزہ کی صورتحال پر تبادلہ خیال کیا۔ یاد رہے کہ ڈی ایٹ ممالک کا ہنگامی اجلاس سنیچر کو استنبول کے تاریخی دولما باغچہ محل میں ایران کے قائم مقام وزیر خارجہ علی باقری کنی اور دیگر ممالک کے وزرائے خارجہ کی موجودگی میں منعقد ہوا۔