ایران میں پاکستانی زائرین اربعین کے پہلے قافلے کی آمد
میرجاوہ بارڈر سے سیستان و بلوچستان پہنچنے والے پاکستانی زائرین کے پہلے قافلے کی آمد کے ساتھ ہی زاہدان میں اربعین حسینی کے زائرین کے قافلوں کو فیول کی فراہمی کا کام ہفتے کے روز سے شروع ہوگیا ہے۔
سحر نیوز/ ایران: زاہدان کے پیٹرولیم مصنوعات کی ڈسٹریبیوشن کے ڈائریکٹر قربان علی مردانی نے بتایا کہ وہ اربعین حسینی کے پاکستانی زائرین کے استقبال کے لیے پوری طرح تیار ہیں ۔ انہوں نے کہا کہ پاکستانی زائرین کو درکار فیول فراہم کرنے کے لیے ضروری اقدامات اور منصوبہ بندی کر لی گئی ہے، اور آج پہلے قافلے کی آمد کیساتھ ہی میرجاوہ سے زائرین کو لے جانے والی بیس سے زیادہ بسوں کو فیول فراہم کیا گیا ہے۔
انہوں نے بتایا کہ پاکستانی یا ایرانی بسیں استعمال کرنے والے پاکستانی زائرین اربعین کو میرجاوہ میں خلیج فارس فیول اسٹیشن اور زاہدان میں رامشار، تل سیاہ نیز بس ٹرمینل سمیت پورے روٹ پر موجود تمام پیٹرول اسٹیشنوں پر تاخیر کے بغیر فیول فراہم کیا جائے گا۔
