حماس کے سیاسی دفتر کے سینیئر رکن خلیل الحیہ نے ایران کے وزیر خارجہ سید عباس عراقچی سے ٹیلی فون پر بات چیت کی ہے۔

سحرنیوز/ایران: موصولہ رپورٹ کے مطابق حماس کے سیاسی دفتر کے سینیئر رکن خلیل الحیہ نے اس گفتگو میں سید عباس عراقچی کو ایران کے وزیر خارجہ بننے پر مبارک باد پیش کی اور انہیں غزہ کی تازہ ترین صورت حال سے آگاہ کیا۔ انہوں نے مسجد الاقصیٰ کے حوالے سے غاصب صیہونی حکومت کے شرمناک اقدامات اور منصوبوں کے بارے میں بھی تبادلہ خیال کیا اور جنگ بندی کے حوالے سے ہونے والے مذاکرات سے بھی انہیں آگاہ کیا۔
ایران کے وزیر خارجہ سید عباس عراقچی نے اس گفتگو میں کہا کہ ایران ہر اس معاہدے کو قبول کرے گا جو فلسطینی عوام کو منظور ہو۔