SAHAR

ایران کی وزارت خارجہ کے ترجمان اسماعیل بقائی نے کہا ہے کہ گزشتہ ایک سال کے واقعات نے ثابت کردیا کہ اب فلسطینیوں کے سامنے اپنی تقدیر رقم اور باعزت اور پرامن زندگی بسر کرنے کے لئے استقامت کے علاوہ کوئی دوسرا راستہ باقی نہیں ہے۔

سحرنیوز/ایران: ایران کی وزارت خارجہ کے ترجمان اسماعیل بقائی نے اپنے ایکس پیج پر لکھا کہ صیہونی حکومت نے غزہ میں وحشیانہ قتل عام اور سفاکانہ تباہی پھیلا کر عالم اسلام کو شدید غم و غصے میں مبتلا کردیا ہے اور اب پوری دنیا پر یہ حقیقت واضح ہوچکی ہے کہ فلسطینیوں کے سامنے اپنی تقدیر رقم اور باعزت اور پرامن زندگی بسر کرنے کے لئے استقامت کے علاوہ کوئی دوسرا راستہ باقی نہیں ہے۔