ایران اور عراق کی پارلیمانوں کے سربراہوں کی مشترکہ پریس کانفرنس
ایران اور عراق کے پارلیمانی سربراہوں نے کہا ہے کہ دونوں ملکوں کے تعلقات آج اپنے عروج پر ہیں۔
سحرنیوز/ایران: ایران کے پارلیمانی اسپیکر محمد باقر قالیباف اور عراقی پارلیمنٹ کے اسپیکر محمود المشہدانی نے اپنی دو طرفہ ملاقات و گفتگو کے بعد ایک مشترکہ پریس کانفرنس میں کہا کہ دونوں ملکوں کے درمیان تعلقات اس وقت اپنے عروج پر ہیں۔ محمد باقر قالیباف نے کہا کہ ایران اور عراق کے تعلقات نہایت وسیع پہلو کے حامل ہیں اور دونوں کے یہ تعلقات مشترکہ سیاسی، دینی، اقتصادی، تاریخی اور ثقافتی اقدار کے حامل ہیں اور دونوں ملکوں کی حکومتوں، عوام اور پارلیمانوں کے درمیان مکمل ہم آہنگی پائی جاتی ہے جو مسلسل فروغ پا رہی ہے اور دونوں ملکوں کا تعاون بھی دو طرفہ، علاقائی و عالمی سطح پر بڑھتا جا رہا ہے۔ اس موقع پر عراق کے پارلیمانی اسپیکر محمد المشہدانی نے بھی غزہ، لبنان اور شام کے حالات کی طرف اشارہ کیا اور کہا کہ پورے علاقے میں ہمیں امن و استحکام کی ضرورت ہے اور اسے متاثر کرنے کی ہرگز اجازت نہیں دی جانی چاہئے۔ انھوں نے کہا کہ ہم ایران کے ساتھ ہیں اور ایران کے بازو بنے رہیں گے۔
