ایران امریکا کے بالواسطہ مذاکرات کا تیسرا دور آج، ایرانی وفد مسقط پہنچ گیا
عمان کے دارالحکومت مسقط میں آج سنیچر 26 اپریل کو ایران اور امریکا کے بالواسطہ مذاکرات منعقد ہوں گے۔
سحرنیوز/ایران: ایرانی وزارت خارجہ کے ترجمان نے اپنے سوشل نیٹ ورک ایکس پر لکھا کہ ایرانی وزیر خارجہ سید عباس عراقچی اور ان کے ہمراہ وفد ایران امریکہ کے بالواسطہ مذاکرات کے تیسرے دور میں شرکت کے لیے مسقط پہنچ گئے ہیں۔ انہوں نے کہا کہ ہم ایرانی عوام کے جوہری توانائی ٹیکنالوجی کو پرامن مقاصد کےلیے استعمال کرنے کے قانونی اور جائز حقوق کے تحفظ کے لیے پرعزم ہیں، اور اس کے ساتھ ہی، ہم اپنے جوہری پروگرام کی مکمل طور پر پرامن نوعیت کے بارے میں یقین دہانی فراہم کرنے کے لیے معقول اقدامات کرنے کو بھی تیار ہیں۔
انہوں نے کہا کہ ایرانی عوام کے خلاف غیر قانونی اور غیر انسانی پابندیوں کو ختم کرنا ہماری ترجیح ہے اور یہ دیکھنا باقی ہے کہ دوسرا فریق کس حد تک سنجیدہ، منصفانہ اور حقیقت پسندانہ معاہدے کے لیے تیار ہے۔
