ڈاکٹر علی لاریجانی سعودی عرب پہنچے
ایران کی اعلی قومی سلامتی کونسل کے سیکریٹری ڈاکٹر علی لاریجانی آج صبح ریاض پہنچے جہاں ان کی ملاقات سعودی عرب کے اعلی عہدے داروں سے طے ہے۔
سحرنیوز/ایران: قابل ذکر ہے کہ اپریل 2025 کو سعودی وزیر دفاع خالد بن سلمان تہران آئے تھے اور علی لاریجانی کے دورہ ریاض کو اسی دورے کا تسلسل اور ایران اور سعودی عرب کے مابین مذاکرات کے فریم ورک کا حصہ قرار دیا جا رہا ہے۔
اعلی قومی سلامتی کونسل کے نائب سیکریٹری ڈاکٹر علی باقری اور خلیج فارس کے امور میں وزیر خارجہ کے اسسٹینٹ محمد علی بک اس سفر میں ڈاکٹر علی لاریجانی کے ساتھ ہیں۔
ڈاکٹر علی لاریجانی اس دورے میں سعودی عرب کے وزیر دفاع سے بھی ملاقات اور گفتگو کریں گے۔
دونوں ملکوں کے معاشی تعاون میں فروغ بھی اس سفر کے ایجنڈے کا حصہ بتایا گیا ہے۔
واضح رہے کہ بغداد اور بیروت کے بعد یہ ڈاکٹر علی لاریجانی کا تیسرا علاقائی دورہ ہے
