امریکی و صیہونی فتنہ ختم کردیا گیا: ایران کے چیف پراسیکیوٹر کا اعلان

Jan ۲۲, ۲۰۲۶ ۱۳:۳۶ Asia/Tehran

ایران کے چیف پراسیکیوٹر نے کہا ہے کہ حال ہی میں امریکہ اور صیہونی حکومت نے جس فتنے کو جنم دیا تھا، اس کا قصہ ایرانی عوام نے ختم کردیا ہے۔

سحرنیوز/ایران: ارنا کی رپورٹ کے مطابق اسلامی جمہوریہ ایران کے چیف پراسیکیوٹر محمد کاظم موحدی آزاد نے ارنا سے گفتگو کرتے ہوئے کہا کہ بلووں کے پہلے دن سے ملک کے سیکورٹی ادارے بلوائیوں پر حاوی ہوگئے اور ساتھ ساتھ عدالتی نظام نے بھی بدامنی پھیلانے والے عناصر کا مقابلہ کیا۔

انہوں نے کہا کہ فتنہ پرور اور بلوائی عناصر نیز دہشت گردانہ کارروائیوں میں ملوث افراد کو بہت جلد عدالتی کارروائی کا سامنا کرنا پڑے گا اور ان کا گھناؤنا حقیقی چہرہ عوام کے سامنے لایا جائے گا۔

ایرانی چیف پراسیکیوٹر نے کہا کہ عوام نے 12 جنوری کو میدان میں اتر کر امریکی و صیہونی فتنے کا قصہ ختم کردیا اور اس وقت ملک میں مکمل طور پر امن و استحکام برقرار ہے۔

ہمیں فالو کریں:

انہوں نے بتایا کہ تباہی پھیلانے اور دہشت گردی میں ملوث عناصر کی گرفتاری کا سلسلہ بدستور جاری ہے اور عدالتی نظام اور سیکورٹی ادارے اس سلسلے میں بھرپور تعاون کر رہے ہیں۔