امریکی دھمکیوں پر اقوام متحدہ میں ایران کے مستقل نمائندے کا انتباہ

Jan ۲۷, ۲۰۲۶ ۱۶:۳۴ Asia/Tehran

اقوام متحدہ میں ایران کے مستقل نمائندے امیر سعید ایروانی نے سلامتی کونسل کے اجلاس میں امریکہ کی ایران کے خلاف دھمکیوں پر سخت خبردار کیا ہے۔

سحرنیوز/ایران: ایرنا کی رپورٹ کے مطابق امیر سعید ایروانی نے عالمی امن و سلامتی کے تحفظ کے قانون کی بالادستی کے عنوان سے منعقدہ اجلاس میں کہا کہ امریکہ مسلسل خود مختار ممالک کو حملے اور ان کی سرزمین پر قبضے کی دھمکیاں دیتا رہا ہے، جو بین الاقوامی قوانین کی کھلی خلاف ورزی ہے ۔

ہمیں فالو کریں:

ایروانی نے مزید کہا امریکی صدر ٹرمپ نے بارہا اور کھلے عام ایران کو طاقت کے استعمال اور فوجی مداخلت کی دھمکیاں دی ہیں ، بلکہ ٹرمپ نے ایران کے اندر بدامنی کو ہوا دینے کی بھی صریح کوشش کی ہے۔

ایران کے نمائندے نے زور دے کر کہا کہ اقوام متحدہ کی سلامتی کونسل کو چاہیے کہ وہ امریکہ کی ان خلاف ورزیوں کی واضح دو ٹوک اور ان کے اصل ناموں کے ساتھ بیان کرے ، کیونکہ قانون شکنی قانون شکنی ہی ہوتی ہے اور اسے نظر انداز نہیں کیا جاسکتا ہے۔