وزیر خارجہ سید عباس عراقچی ترکیہ کے دورے پر، علاقائی حالات پر مشاورت جاری

Jan ۳۰, ۲۰۲۶ ۱۸:۰۴ Asia/Tehran

اسلامی جمہوریہ ایران کے وزیر خارجہ سید عباس عراقچی تر کیہ کے دورے پر ہیں جہاں وہ اپنے ترک ہم منصب سمیت دیگر اعلی حکام سے ملاقاتیں کر رہے ہيں ۔

سحرنیوز/ایران: ایرانی وزيرخارجہ نے ترکیہ پہنچنے پر کہا کہ ان کے اس دورے کا مقصد علاقے کے حالات کا جائزہ لینا اور موجودہ چیلنجوں سے باہر نکلنے کی راہوں پر تبادلہ خیال کرنا ہے ۔ ایرانی وزيرخارجہ نے کہا کہ یہ سفر مدتوں قبل سے طے تھا اور اپنے ترک ہم منصب کے دورہ ایران کے جواب میں انجام پایا ہے اور ان کا مقصد دوطرفہ تعلقات اور علاقائی و بین الاقوامی مسائل کا جائزہ لینا ہے

سید عباس عراقچی نے مزید کہا کہ ایران اور ترکیہ دو بڑے پڑوسی کی حیثیت سے ہمیشہ قریبی تعلقات کے حامل اور ایک دوسرے سے مسلسل مشورے کرتے رہے ہیں اور یہ تعاون ، سیاسی ، اقتصادی ، سماجی اور ثقافتی میدانوں میں جاری ہے ۔

ہمیں فالو کریں:

ایرانی وزيرخارجہ سید عباس عراقچی نے کہا کہ علاقے کے سنگین حالات اور موجودہ چیلنجوں کے پیش نظر کہ جو خاص طور پر امریکہ اور کچھ دوسرے فریقوں کی جانب سے پیدا کئے جا رہے ہيں ، قریبی صلاح و مشورے کی ضرورت ہے اور اس تناظر میں علاقائی حالات کا جائزہ لینا اور حالات و چیلنجوں کا مقابلہ کرنے اور ان پر قابو پانے کے طریقوں کا جائزہ لینا اس دورے کے ایجنڈے میں ہے ۔