SAHAR

سعودی عرب کے لڑاکا طیاروں نے یمن کے مختلف علاقوں پر ایک بار پھر وحشیانہ بمباری کی ہے

یمن کے المسیرہ ٹی وی کی رپورٹ کے مطابق سعودی عرب کے لڑاکا طیاروں نے جمعے کے دن صوبہ صعدہ میں واقع حیدان نامی علاقے پر حملہ کر کے اٹھارہ افراد کو شہید کر دیا ہے جن میں اکثریت خواتین اور بچوں کی ہے۔

سعودی عرب کے لڑاکا طیاروں نے صوبہ تعز میں واقع الحدیدہ کے فرزہ علاقے پر بھی بمباری کی جس میں تین یمنی شہری شہید اور آٹھ زخمی ہو گئے ہیں۔ سعودی عرب کے جنگی طیاروں نے صوبہ مارب میں واقع صرواح کے علاقے کو بھی اپنی بمباری کا نشانہ بنایا جس کے نتیجے میں چار افراد شہید اور متعدد زخمی ہو گئے۔

 دوسری جانب یمن کی فوج اور عوامی رضاکار فورس کے اہلکاروں نے آل سعود کے خلاف جوابی کارروائی کرتے ہوئے سعودی عرب کے سرحدی علاقے الغاویہ میں واقع فوجی اڈے پر حملہ کیا جس میں سعودی عرب کے تین فوجی ہلاک اور اٹھائیس زخمی ہو گئے ۔