SAHAR

مصر کے علاقے شمالی سینا میں مصری فوجیوں اور مسلح افراد کے درمیان ہونے والی جھڑپوں میں چھے مصری فوجی ہلاک ہو گئے جن میں دو فوجی افسر بھی شامل ہیں۔

ایک مصری عہدیدار نے اپنا نام ظاہر نہ کرنے کی شرط پر بتایا کہ یہ جھڑپیں جمعرات کو شمالی سینا کے علاقے الفرافرہ میں رفح شہر کے قریب ہوئی- ان جھڑپوں میں چھے مصری فوجی ہلاک اور متعدد دیگر زخمی ہو گئے- بتایا جاتا ہے کہ مسلح افراد نے اس اقدام کو جوابی کارروائی قرار دیا ہے-

یاد رہے کہ مصری فضائیہ نے چند روز قبل شمالی سینا کے شیخ زوید علاقے میں دہشت گرد گروہ انصار بیت المقدس کے پانچ ٹھکانوں پر حملہ کیا تھا-

گذشتہ ڈیڑھ برس سے مصری فوج نے شمالی سینا میں انتہا پسندوں اور دہشت گردوں کے خلاف کارروائیاں شروع کر رکھی ہیں-