SAHAR

یمن کے مختلف صوبوں پر سعودی عرب کے مجرمانہ فضائی حملوں کا سلسلہ جاری ہے۔

سبا کی رپورٹ کے مطابق یمن کے صوبہ الحدیدہ کےعلاقے الخوخہ پر سعودی عرب کے جنگی طیاروں نے بڑے پیمانے پر وحشیانہ بمباری کی ہے جس کے نتیجے میں متعدد افراد شہید اور زخمی ہوگئے ہیں۔

سعودی عرب کی بہیمانہ اور مجرمانہ بمباری کے باوجود یمنی عوام استقامت اور پائیداری کا مظاہرہ کر رہے ہیں۔

دوسری جانب یمنی فورسز اور قبائل نے جیزان اور نجران کے علاقوں میں سعودی عرب کے فوجی ٹھکانوں پر راکٹوں سے حملے کئے ہیں جس کے نتیجے میں متعدد سعودی کرائے کے فوجی ہلاک اور زخمی ہوگئے ہیں۔