SAHAR

یمن کی عوامی تحریک انصار اللہ نے کہا ہے کہ سعودی اتحاد میں شامل ممالک یمن کے جنوبی صوبے عدن میں دہشت گردوں کی حمایت کر رہے ہیں۔

صنعا میں یمن کی وزارت انسانی حقوق کے جاری کردہ بیان کے مطابق جارح قوتوں کے زیر قبضہ علاقوں میں ہونے والے تمام تر بم دھماکے اور خودکش حملے متحدہ عرب امارات اور سعودی عرب کی ایما پر کیے جارہے ہیں۔اس بیان میں اقوام متحدہ سے مطالبہ کیا گیا ہے کہ وہ یمنی عوام کے خلاف سعودی جارحیت اور حملوں کا سلسلہ بند کرائے۔سعودی عرب نے امریکہ کی ایما پر مارچ دوہزار پندر سے یمن کو اپنی فضائی، زمینی اور سمندری جارحیت کا نشانہ بنا رکھا ہے جس کے نتیجے میں ہزاروں بے گناہ یمنی شہری شہید اور زخمی ہوئے ہیں۔ سعودی عرب کی وحشیانہ جارحیت کے باعث یمن کا بنیادی ڈھانچہ بھی تباہ ہوگیا ہے اور اس ملک کو ہیضے سمیت متعدد بیماریوں نے بھی گھیر رکھا ہے۔