SAHAR

یمنی فوج اور عوامی رضاکار فورس نے جنوبی سعودی عرب کے علاقے نجران میں سعودی اتحاد کی پیش قدمی کی کوشش کو ناکام بنا دیا۔

موصولہ رپورٹ کے مطابق جنوبی سعودی عرب کے علاقے نجران میں یمنی فوج اور عوامی رضاکار فورس کے جوانوں اور سعودی اتحاد کے فوجیوں کے درمیان ہونے والی جھڑپوں میں جارح سعودی اتحاد کے کئی فوجی ہلاک و زخمی ہو گئے اور اس کا جنگی ساز و سامان تباہ ہو گیا۔

یہ ایسی حالت میں ہے کہ جنوبی سعودی عرب کے اس علاقے میں بدھ کے روز بھی یمنی فوج اور عوامی رضاکار فورس کی کارروائی میں سعودی اتحاد کے دسیوں فوجی ہلاک و زخمی ہو گئے تھے۔

قابل ذکر ہے کہ سعودی اتحاد کی جانب سے یمن کے تمام تر محاصرے کے باوجود یمنی فوج اور عوامی رضاکار فورس کی دفاعی توانائیوں میں مسلسل اضافہ ہو رہا ہے۔